Претходно
Црта со целото тело
Датум: 25 мај 2011
Коментари: 0
Тони Орико е визуелен артист и изведувач, кој наједноставно би можел да се опише како човечки спирограф. Неговата работа го истражува капацитетот на човечкото тело како алатка во креативниот процес на творење. 
Тој има искуство како танчер и кореограф, а сега, користејќи го целото тело или само одредени делови од него, како зглобовите, создава огромни цртежи, кои се неверојатно прецизни и симетрични.
Орико вели дека ù се воодушевува на композицијата на природата и циклусите. Не е многу упатен во поврзаноста на уметноста со математиката или науката, но сепак, таа врска му е многу интересна. Најомилена му е уметноста која ја создава случајно, а сепак неверојатно прецизно.
Неговите изведби траат од 15 минути до 7 часа, непрекинато повторувајќи исти движења. Со оглед на специфичноста на алатката која тој ја користи во уметноста, неговата работа истовремено претставува неверојатен перформанс кој е интересен за гледање додека трае, на крајот резултирајќи со огромна творба во вид на цртеж.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
