Претходно
Скриената причина за болката во долниот дел од грбот
Постојат неколку причини поради кои чувствувате болка, како стрес, исхрана, седење или недостаток од физичка активност. Но коренот на овој проблем најчесто е тоа што луѓето не се свесни за позицијата на нивниот грб.
Луѓето не се свесни за движењето на сопственото тело. Иако звучи чудно, овој феномен се појавува многу често. Оваа несвесност може да предизвика константно искривување на грбот без воопшто да знаете за тоа. Ова искривување може да предизвика вистинска долгорочна штета, особено ако тренирате со тегови. Болките во грбот се развиваат со текот на времето.
Како да се проверите?
Првиот чекор е да сфатите дека имате некаков проблем. Разговарајте со фитнес тренер секогаш кога сакате да ја намалите болката. Замолете го да го погледне држењето на вашето тело додека стоите и додека седите. Исто така кажете му да ја провери вашата рутина за вежбање. Ако вашиот грб постојано е искривен, тој ќе ви покаже како да го исправите. Искривениот грб е нешто што треба веднаш да се среди.
Ако напорно работите, без проблем ќе го решите овој проблем. Бидејќи многу од нас не се свесни за оваа појава, најдобро е да замолите некој редовно да ве проверува. Дали го искривувате грбот додека извршувате секојдневни обврски? Ако одговорот е да, обидете се да го промените тоа. Штом ќе станете свесни за движењето на вашиот грб, проблемот полека ќе исчезне.
Што е следно?
Најважно е да бидете свесни, бидејќи тоа е коренот на самиот проблем. Се разбира, ова е и најтешката промена која треба да ја направите. Кога свесно ќе го исправувате вашиот грб, другите навики ќе ги промените многу лесно. Се разбира, важна е правилната исхрана, редовното вежбање и истегнување и да избегнувате да седите предолго во текот на денот.
Погледнете ги и овие одлични вежби против болката во грбот.
