Претходно
Клучно есенско парче облека што секоја девојка треба да го има во својот шкаф
Веќе неколку сезони наназад можеме да забележиме различни форми на „преголеми“ модни парчиња облека – кроеви што не ја пратат линијата на телото, туку ја кријат женската фигура и овозможуваат модерен и лежерен изглед. Модните дизајнер најчесто избираат џемпери, јакни и капути со овој дизајн, а во продолжение ќе се уверите и зошто.
Како што доаѓа есента, а со неа и ниските температурите, нашиот шкаф добива сосема нов изглед. Ако ја следите модата, тогаш треба да знаете дека оваа сезона главната ѕвезда меѓу модните парчиња ќе биде „преголемиот“ капут – удобна облека што истовремено ќе направи да изгледаме шик, но и да се чувствуваме топло.
Овој модел овозможува нова нота на лежерниот стил, која ќе предизвика истовремено да изгледате и моќно и отмено. Со сè поголемата популарност на лежерниот стил, дамските модели добија примена и во поедноставните комбинации, па затоа можете да ги комбинирате и со патики, качкети, дуксери, широки фармерки…
Секако, „преголемиот“ капут е одличен избор и за дамите што сакаат да останат верни на класичниот и софистициран имиџ. Овој модел совршено одговара со чизми што достигнуваат над колената – особено ако го префрлите преку рамената наместо да го облечете. Кога станува збор за бојата, неутралните нијанси се повторно актуелни, па нема да погрешите што и да изберете.
