Претходно
Како да изберете квалитетни производи при купувањето во маркет?
Кога купуваме производи во маркетот, обично ги избираме оние кои ни „паѓаат“ во око. Но, дали е тоа добар метод? Убавиот изглед не гарантира добар вкус, квалитет и здравствена корист. Дури и кога купуваме на пазар од домашни произведувачи, не можеме да бидеме сигурни дека сме го добиле она што сме го барале. Ние денес ви откриваме неколку трикови кои ќе ви помогнат секогаш да ја изберете најсвежите риба и месо, вистински природен мед и уште многу други производи.
Леб
Свежиот леб не би требало да биде тврд, па секогаш пред да избирате чепнете го. Во пластичните пакувања, лебот останува подолго време свеж, но ќе го загуби вкусот по само неколку часови од отворањето.
Бабури
Ако е поделена на два или три дела, обично е лута и има помалку семки. Ако има четири дела, слатка е и има многу семки. Исто така, обрнете внимание на долниот дел од бабурата каде што се наоѓа истакнатиот дел.
Сладолед
Секогаш читајте го составот. Сладоледите со вкус на шумско овошје, ретко се природни, па подобро е да го изберете оној со јаткасти плодови, суво овошје или гумени бонбони.
Мед
Вистинскиот, природен мед е проѕирен и со изедначена боја. Квалитетниот мед е доста сладок и има специфична нота. Размачкајте ја капката мед помеѓу прстите: ако лесно се впива во кожата, тоа е добар мед.
Ементалер и други тврди сирења
Кога купувате ементалер обрнете внимание на бојата, дупките и текстурата. Бојата би требало да биде изедначена и без никаква бела кора, дупките би требало да бидат рамномерно распоредени низ целото парче, а доколку сирењето не се врати во првобитниот облик откако сте го притиснале, подобро немојте да го купувате.
Месо
Свежото месо е розово, а не со светло црвена или дури кафеава боја. Обрнете внимание на масните делови, тие би требало да бидат блескави и доста светли. Доброто месо, исто така, ќе се врати во првобитниот облик и нема да се лепи за рацете.
Риба
Свежата риба има јасни очи, додека замаглените или извадените очи се знак дека рибата е стара. Шкргите се со светло црвена боја, поретко светло розови. Кога ќе ја земете рибата во раце, опашката би требало слободно да виси.
Млад кромид
Погледнете ја границата помеѓу белите и зелените делови. Ако тие се јасно одвоени, производот е добар. Ако едниот дел преминува постепено во другиот дел, кромидот ќе биде премногу жилав.
Исто така ви предлагаме да ги погледнете и овие корисни совети за тоа како да ги одржувате овошјето и зеленчукот свежи.
