Претходно
7 грешки во исхраната што можат да предизвикаат силни главоболки и мигрени
Иако точната причина за појава на мигрени е сѐ уште непозната, експертите се согласуваат дека силните главоболки можат да бидат поттикнати од лековите што ги земате, од наглите промени во ендокриниот систем и недостатокот на сон. Вашата исхрана исто така може да влијае на вашето расположение. Според истражувањата, околу 10% од луѓето страдаат од мигрени поради грешки во нивната исхрана. Погледнете кои се најчестите прехранбени производи кои можат да предизвикаат напади на мигрена…
1. Старо сирење
Сирењето што поминало низ процес на стареење може да предизвика мигрена кај многу луѓе, бидејќи содржи голема количина на тирамин. Тираминот потекнува од аминокиселината тирозин и се појавува во храна што е расипана, скиселена, стара, пушена, ферментирана или маринирана.
- Во старо сирење спаѓаат следниве видови сирење: чедар, фета, горгонѕола, сирење бри, пармезан, гауда, швајцарско сирење, минстер сирење.
- Свежото сирење не содржи многу тирамин и може да го јадете за време на напади на мигрена. Во свежи сирења спаѓаат: младо сирење, сирењето рикота и урда.
- Моцарелата може, но и не мора да биде стара, така што проверете ја етикетата.
2. Цитрусни овошја
Киселите овошја содржат многу киселини што можат да влијаат на нивото на pH вредност во телото и да ги зголемат шансите за појава на мигрена. Некои истражувања покажуваат дека околу 11% од луѓето кои имаат главоболки, потврдиле дека цитрусното овошје било причината за нивната мигрена. Освен тоа, овие овошја содржат тирамин и хистамин, што исто така може да влијае на здравјето, доколку вашиот организам не е толерантен на нив.
3. Ладна храна
Ако постојано јадете сладолед и набрзина ги пиете ладните пијалаци кога сте премногу загреани по физичките вежби или изложеноста на високи температури, можно е да добиете главоболка предизвикана од ладното, која обично трае од 25-60 секунди до 1-2 минути.
4. Глутен
Глутенот е протеин што се содржи во житните производи како што се пченица, ’рж и јачмен. Овие житарки, како и производите направени од нив, може да предизвикаат мигрени кај луѓето кои се нетолерантни на глутен.
Продолжува на следната страница…
