Претходно
Одберете руна и дознајте што ќе ви донесе иднината
Руните се стари писмени знаци на северните германски племиња, најчесто на Скандинавците. Покрај тоа што се многу интересни и необични, тие можат да ви откријат интересни работи за вашата иднина. Доколку сакате да знаете што ве очекува во наредниов период, одберете руна и продолжете со читање!
Го одбравте писмениот знак што ви делува најинтересен? Тогаш, подготвени сте да дознаете дали ве очекуваат успеси или проблеми во иднина…
Руна под број 1
Оваа руна предвидува безбедност, стабилност, напредок и нови збогатувања. Време е да ги соберете плодовите од вашата напорна работа. Тука не станува збор само за материјалните добра, туку и за духовните. Наскоро ќе дојдете до значајно сфаќање за вашиот живот и ќе доживеете обновена љубов кон животот.
Руна под број 2
Овој древен писмен знак предвидува брзина, промена и слободна волја. Доколку големите животни промени сѐ уште не започнале, сега е времето за тоа! Но, не грижете се! Научете се да го живеете животот со забрзано темпо. Ќе уживате, ќе ви се прошират хоризонтите, ќе посетите нови места, ќе стекнете нови искуства и ќе ви се отворат нови можности.
Руна под број 3
Оваа моќна руна предвидува успех, моќ и здрав живот. Наскоро ќе ви се остварат вашите соништа и ќе доживеете духовен и емоционален напредок. Најдобро од сѐ е тоа што ќе дознаете дека сте биле во право во врска со еден многу контроверзен проблем.
Руна под број 4
Ако сте ја одбрале оваа руна, тоа значи дека ќе се соочите со некои проблеми, но истовремено ќе ја почувствувате заштитата на некоја виша сила. Да, ве очекува животна бура, но вашиот мал брод неочекувано ќе ги надмине сите потешкотии и ќе доживеете победа.
Руна под број 5
Оваа волшебна руна е знак на давање. Може да бидете и дарителот и примачот. Таа исто така означува споделување, поврзување и зближување со другите луѓе. Најверојатно ќе бидете подготвени да споделите знаење и грижа со другите. Ќе доживеете многу откровенија, благодарение на вашата дарежливост и добрина.
Руна под број 6
Ако сте ја одбрале оваа прекрасна и влијателна руна, тоа значи дека наскоро ќе тргнете на духовно и емоционално патување што ќе придонесе за вашиот личен развој. Ве очекува обнова и нов почеток. Ќе почувствувате ненадејно олеснување по долгиот период на тага. Ќе го искусите животот во најдобро можно светло. Ќе се надевате, ќе љубите, ќе се наполните со енергија и ќе се радувате поради вашето постоење.
Доколку ви се допадна овој краток тест, изберете снегулка и откријте каква лоша карма ве следи од минатиот живот.
