Претходно
Колку чавки, толку петки
Секоја година, во текот на есента, илјадници птици од видот сколовранци прават спектакуларно танцувачко шоу на небото. Голема група од овие птици-преселници формираат магични форми на небесната широчина додека се во лет. Нив ги има најмногу во Европа, Азија, Африка, Северна Австралија и на островите на Пацификот. Својот талент сколовранците редовно го прикажуваат, а забавата која ни ја приредуваат на нас луѓето, е едно навистина фасцинантно доживување.
Научниците не се сигурни како точно птиците успеваат да ги направат ваквите синхронизирани движења во лет и да формираат совршено прецизни форми. Дури и со помош на комплексни алгоритамски модели, не можеле да си ја објаснат акробатската вештина на овие птици. За да не се судрат меѓусебно и за да ги избегнат птиците грабливци, сколовранците се потпираат на нивната брза реакција при летање, која изнесува под 100 милисекунди. Овие птици летаат во масовни јата за да се заштитат меѓусебно, а нивната брзина на летање достигнува до 32 километри на час.
Сколовранците се мали до средно големи птици и се едни од најкарактеристичните видови. Покрај нивните фасцинантни акробатски вештини, овие птици се интересни и бидејќи умеат да го имитираат црцорењето на другите птици, а нивниот репертоар вклучува 15-20 различни звуци. Тие исто така можат да имитираат и неколку звуци од црцорењето на дивите птици, како и звуците од уличните телефонски говорници и автомобилите.
Погледнете го неверојатниот танц во лет на сколовранците, во видеово снимено од страна камерманот и фотоновинар Дилан Винтер во 2010 година, кој пловел низ Велика Британија за да го разгледа и овековечи животинскиот свет. Оние кои се сè уште на училиште, може и да си викаат „колку чавки, толку петки“ додека уживаат во волшебната глетка. 🙂
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
It’s such a wonderful world.
Prirodata pravi cuda! PREKRASNO!