Претходно
Капки вода поврзани во колоритни вонземски облици
Датум: 30 окт 2011
Коментари: 0
Некои стилови во фотографирањето едноставно не можат да престанат да нè воодушевуваат. Кинемаграфии, фото-манипулации, долги експозиции… секоја техника плени со креативност, инспирација и визуелна сатисфакција.
Таква инспиративна техника претставува и фотографирањето во макро стил на феномени кои се одвиваат со голема брзина. Како резултат на тоа, се добиваат фотографии кои делуваат како да се замрзнати во времето, а ни откриваат магични моменти кои не можат да се забележат во текот на нивниот природен процес. 
Оваа техника, т.н. High speed photography, ја одликува работата на германскиот фотограф Хајнц Мајер, кој започнал да фотографира пред околу една година, но веќе има импресивно портфолио.
Неговите капки изгледаат волшебно, скоро неверојатно, како да се работи за некои вонземски облици на живот, а не чисти фотографии од еден од најосновните, но и најсложените елементи кои нè опкружуваат во природата. Играта со светлата, боите, рефлексијата и симетријата, ќе ве натера да помислите дека се работи за дигитално обработени дела, а не за чист производ на вешто ракување со фотоапаратот.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
